Tbissima.

It-tbissima espressjoni.

Espressjoni li ħafna drabi taraha

għax tista’ tgħid li kulħadd jużaha.

It-tbissima espressjoni sabiħa hija,

ħlief meta din tkun twissija

ta’ wgigħ u tbatija

fejn il-bniedem joqogħd attent

għal kull movement

biex filwaqt li l-qalb maqsuma tkun

il-wiċċ jidher kuntent.

Għalhekk il-verita’ tibqa’ moħbija

bħala turija ta’ kuraġġ

fejn il-persuna tibqa’ bla salvataġġ.

Julia Mizzi St John

Ritratt Freepik: wayhomestudio