Ms Anna, Ms Connie u Ms Josette huma 3 ħaddiema ġewwa OLIS. Huma jieħdu ħsieb li l-iskola tkun dejjem nadifa u komda għalina l-istudenti. Dejjem jaħdmu bla waqfien u dejjem lesti li jgħinuna meta jkollna bżonn.
Kemm ilkom taħdmu dan ix-xogħol ?
Qabel kontu taħdmu x’imkien ieħor ? Jekk iva, fejn ?
Ms Anna: Għamilt 20 sena naħdem ġewwa fabbrika tal-ħjata.
Ms Connie: Jiena ilni naħdem ġewwa OLIS għal 16-il sena. Qabel kont naħdem ġo fabbrika tal-ħjata.
Ms Josette: Ilni naħdem ġewwa din l-iskola 14-il sena. Qabel kont salesgirl kif ukoll ħdimt ġewwa fabbrika tal-ħjata.
Għidulna ftit fuq xogħolkom.
Ms Anna: Xogħli jinvolvi ħafna affarijiet fosthom li nissatizza, nnaddaf u naħsel il-klassijiet u nara li l-bathrooms ikunu nodfa.
Ms Connie: Xogħli hu li nara li l-bathrooms ikunu nodfa. Nieħu ukoll ħsieb it-turġien u li l-blokka li tagħha jien responsabbli dejjem tkun nadifa.
Ms Josette: Nieħu ħsieb blokka, fejn nara li kullimkien ikun dejjem nadif. Nara li t-turġien, il-bitħa, il-gym u il-bathrooms tan-naħa tal-laboratorji ikunu nodfa.
Liema hi l-iktar parti diffiċli ta’ xogħolok ?
Ms Anna: Meta l-klassijiet ikunu diżordinati ħafna u meta t-toilets ikunu maħmuġin.
Ms Connie: Meta t-toilets ikunu maħmuġin.
Ms Josette: Meta fejn inkun naddaft, ma jinżamx nadif.
Għamiltu xi ħbieb ġodda hawnhekk?
Tiftakar kif kienet l-ewwel esperjenza tiegħek ġo din l-iskola?
Ms Anna: Iva, għamilt il-ħbieb ġewwa OLIS. Fil-bidu kont part-time. Maż-żmien, ix-xogħol inbidel u żdied.
Ms Connie: Iva, ħbieb għamilt. L-ewwel xogħol tiegħi ġewwa l-iskola kien li nagħmel il-ħġieġ tal-blokka kollha.
Ms Josette: Ħbieb għamilt. Xi ħbieb li għamilt m’għadhomx jaħdmu hawn. Qabel ma bdejt naħdem hawn, kont diġa naf lil Connie u għalhekk ma kienetx diffiċli.
X’iżommok entużjasta biex tibqa’ tagħmel xogħolok daqshekk tajjeb?
Ms Anna: L-ambjent jogħġobni ħafna. L-importanti li ikun hemm il-koperazzjoni ta’ kulħadd.
Ms Connie: Għax inħobb l-ambjent tal-iskola u nieħu gost nara kollox f’postu u nadif.
Ms Josette: Nħoss sodisfazzjon meta nara l-iskola nadifa. Sodisfazzjon ukoll meta wara li nkunu naddafna, l-ambjent tal-iskola jinżamm nadif.
Xi tħobb tagħmel fil-ħin liberu tiegħek?
Ms Anna: Inħobb insajjar.
Ms Connie: Inħobb naħdem il-ganċ u bil-labar tas-suf.
Ms Josette: Inħobb nilgħab mall-klieb u nara xi storja.
Kieku kellek xogħol ieħor, x’kien ikun u għalfejn?
Ms Anna: Nimmaġinani naħdem f’librerija għax niltaqa’ ma’ ħafna nies u għax inkun ġo ambjent ta’ skola.
Ms Connie: Kieku naħseb kont inkun salesgirl f’ħanut tal-ħwejjeg għax il-ħwejjeġ jogħġbuni ħafna.
Ms Josette: Naħseb kont inkun xi receptionist għax huwa xogħol li ma fihx tqandil, ma tbatix fiżikament u mhux il-ħin kollu b’idejk fl-ilma.
Prosit u grazzi ħafna tax-xogħol siewi li tagħmlu biex l-iskola tagħna tkun dejjem komda u nadifa għalina l-istudenti!
Napprezzawkom ħafna!
Ftit feedback mit-tfal ta St-Matthew……
Julia Spiteri: Dejjem insibu l-klassijiet u l-bathrooms nodfa! Grazzi hafna!
Nadizea Sant: Insibu kollox nadif! Napprezzawha hafna!
Kaye Bouvett: Xtaqt nghidilkom grazzi hafna ta-servizz li taghmlu fl-iskola taghna!
Aislynn Camilleri: Naħseb li l-ħaddiema huma importanti ħafna!
Mariah Vella: Jien naħseb li huma importanti hafna biex izommu n-nadif fl-iskola tagħna!
Alaiyah Cremona Olivari: Grazzi ħafna tax-xogħol li tagħmlu u tal-effort tagħkom!
Intervista magħmula minn:
Aliyha-Ann Falzon Stewart, Celine Caruana, Kaia Bonello u Rebecca Farrugia, F1 St Matthew
thevoiceolis 